Türkmenistanyň Oguz han adyndaky Inžener-tehnologiýalar uniwersitetiniň “Oguz han” ylmy-tehnologiýalar merkezini döretmek barada hasabat berildi. Bu barada wise-premýer N.Amannepesow Ministrler Kabinetiniň sanly ulgam arkaly geçirilen mejlisinde hasabat berildi.
“Watan” habarlar gepleşiginde bellenilip geçilişi ýaly, 2023-2024-nji ýyllar üçin Türkmenistanyň ykdysadyýetine ýokary we innowasion tehnologiýalary çekmäge gönükdirilen halkara hyzmatdaşlygyny ösdürmek üçin Hereketleriň meýilnamasyna göz öňünde tutulan halkara innowasiýa merkezlerini, tehnoparklary döretmekde dünýäniň öňdebaryjy tejribesini öwrenmek hem-de kesgitlenen wezipeleri ýerine ýetirmek maksady bilen degişli ministrlikler we pudaklaýyn dolandyryş edaralary hem-de Türkmenistanyň ylymlar akademiýasy tarapyndan “Oguz han” adyndaky Inžener-tehnologiýalar uniwersitetiniň Oguz han ylmy-tehnologiýalar merkezini döretmek teklip edilýär.
Bu merkeziň esasy maksady ýurdumyzda we sebitde innowasion, nano, bio we maglumat, kiberhowpsuzlyk, sanly we akylly, emeli aň we maglumat-kommunikasiýa, kompýuter we mobil programmalary, elektron enjamlaryň tehnologiýalary boýunça önümleri öndürmekden we satmakdan ybaratdyr.