Gazagystanda täze Konstitusiýanyň taslamasy boýunça geçirilen ählihalk sala-salyşlygyň deslapky netijeleri mälim edildi.
Gazagystan Respublikasynyň Merkezi sala-salyşlyk toparynyň berýän habaryna görä, ýurduň içinde we daşary ýurtlarda jemi 9 127 192 raýat ses bermäge gatnaşdy, bu bolsa saýlawçylaryň umumy sanynyň 73,12%-ine deňdir.
Toparyň maglumatlaryna görä, ses bermäge gatnaşanlaryň 7 954 667-si, ýagny 87,15%-i täze Konstitusiýanyň taslamasynyň kabul edilmegini goldady.
Şeýlelikde, sala-salyşlyga gatnaşmaga hukugy bolan raýatlaryň ýarysyndan gowragy ses bermäge gatnaşandygy sebäpli, sala-salyşlyk geçirilen diýlip hasaplanýar.
Ýurduň kanunçylygyna laýyklykda, Merkezi sala-salyşlyk topary ses bermegiň gutarnykly netijelerini ses berlen gününden başlap, ýedi günden giç bolmadyk möhletde jemlemelidir.