Nintendo ulanyjylara täze öndüren oýun konsulyny tanyşdyrdy. Täze konsul öňkülere garanyňda biraz uly we has ýagty OLED ekrana eýe. Şeýle hem täze oýun konsuly kämilleşdirilen ses, has uly ýat we simli LAN baglanyşygy bilen ünsi çekýär.
Switch OLED häzirki wagtda Switch ulanýan ulanyjylar üçin ýörite taýýarlandy. Täze oýun konsulynyň 7.2″ FullHD+OLED ekrany bolup, ol ethernet girişi we kämilleşdirilen ses sistemasy bilen üpjün edilen. Şereketiň aýtmagyna görä, oýun konsulynyň batareýasynyň “ömri” 9 sagada ýetýär. Täze konsul 8-nji oktýabrda dünýä bazarlaryna çykar we onuň nyrhy 350 dollar bolar.
Maksat TAGANOW,
Magtymguly adyndaky Türkmen döwlet uniwersitetiniň
žurnalistika hünäriniň talyby.