Afrikanyň Namibiýa döwletiniň taryhynda ilkinji zenan prezident boldy. Noýabr aýynyň ahyrynda geçirilen saýlawlarda wise-prezident Netumbo Nandi-Ndaitwa ýeňiş gazanyp, sesleriň 58.07 göterimine eýe boldy.
Nandi-Ndaitwa ýurduň häzirki Prezidenti Nangolo Mbumbanyň ornuna geçer. Ol 2024-nji ýylyň fewralyndan bäri prezidentiň wezipesini wagtlaýyn ýerine ýetirip gelýärdi. Ýurduň taryhynda prezident wezipsini bary-ýogy 4 adam alyp bardy.
Täze saýlanan prezident Netumbo Nandi-Ndaitwa 1952-nji ýylda doguldy we 1970-nji ýylda SSSR-de bilim aldy. Ol öz zähmet ýolunda dürli döwlet wezipelerinde işledi we parlamentiň deputaty boldy. 2024-nji ýylyň fewral aýyndna bäri Namibiýanyň wise-prezidenti wezipesini alyp barýar.
Prezident saýlawlaryna 15 dalaşgär gatnaşdy we ikinji orny eýelän Panduleni Itula sesleriň 25.8 göterimibe eýe boldy.
Namibiýa Günorta Afrikada ýerleşýän ýurt. 1990-njy ýylda Birleşen Milletler Guramasynyň agzasy boldy we 1995-nji ýylda Bütindünýä söwda guramasynyň düzümine goşuldy.
1890-njy ýyldan Birinji Jahan urşuna çenli German Günorta-Günbatar Afrika döwleti hökmünde atlandyrylýardy, soňra Günorta-Günbatar Afrika diýlip atlandyryldy. 1968-nji ýylyň 12-nji iýunynda BMG-niň Baş Assambleýaysnyň kararnamasy bilen Namibiýa diýlip atlandyryldy.