Bütindünýä Saglygy Goraýyş Guramasy Müsür Arap Respublikasyny gyzzyrma keselinden azat ýurt hökmünde tassyklady. Bu barada BSGG-niň Ženewa merkezi habar berdi.
Müsüriň gyzzyrma keselinden azat ýurt hökmünde ykrar edilmegi “100 milliondan gowrak ilatly döwlet üçin jemgyýetçilik saglygy ulgamynda uly üstünlik” diýlip, metbugat beýanatynda bellenilýär.
Bu üstünlik, Müsüriň hökümetiniň we halkynyň köp ýyllardan bäri ýurtda ýüze çykýan kesele garşy göreşmek üçin alyp baran tagallalarynyň netijesidir.
Bütindünýä Saglygy Goraýyş Guramasy baş müdiri Tedros Adhanom Gebreýesus “Gyzzyrma Müsür siwilizasiýasynyň özi ýaly köne kesel, ýöne faraonlara hem ýokaşan kesel onuň geljegine däl-de, taryhyna siňdi” -diýip belledi.