Hormatly Prezidentimiz sanly wideoaragatnaşyk arkaly geçirilen Ministrler Kabinetiniň mejlisinde täze kitabyny ýazyp gutarandygyny belledi. Milli Liderimiz bu kitaby “Türkmenistan – Bitaraplygyň mekany” diýip at berendigini aýtdy.
1995-nji ýylyň 27-nji dekabrynda “Türkmenistanyň hemişelik Bitaraplygy” hakyndaky kanunyň kabul edilmegi garaşsyz ýurdumyz üçin saýlap alan ösüş ýoluny kesgitledi. Biz ony hemişelik Bitaraplyk diýip atlandyrdyk. Türkmenistanyň hemişelik Bitaraplygy parahatçylygy söýmek, beýleki döwletleriň içeri işlerine goşulyşmazlyk, özygtyýarlylygyň we çäkleriň bitewüligini hormatlamak ýaly milli aýratynlygymyzyň ajaýyp talaplaryny öz içine alýar, diýip milli Liderimiz belledi.
Häzirki döwürde biz hemişelik Bitaraplyk hukuk ýagdaýymyza esaslanyp, dünýäniň ähli döwletleri bilen üstünlikli amala aşyrýan özara bähbitli, parahatçylyk söýüji we dostlukly gatnaşyklaryň ykdysadymyzy berkitmäge, garaşsyz türkmen döwletiniň Ýer ýüzündäki abraý-mertebesini ýokarlandyrmaga mümkinçilik berendigini bellän milli Liderimiz täze kitabynda türkmen Bitaraplygynyň milli köklerini, taryhy ähmiýetini açmaga çalşandygyny aýtdy.
Döwlet Baştutanymyz bu kitabyň peýdaly hem-de gyzykly boljakdygy belläp, Türkmenistanyň hemişelik Bitaraplygynyň 25 ýyllyk şanly baýramyna sowgady bolandygyny aýtdy. Hormatly Prezidentimiz degişli ýolbaşçylara Bitaraplyk baýramyna çenli galan wagtda bu kitabyň tanyşdyryş dabaralaryny geçirip biljekdigini belledi. Ministrler Kabinetiniň agzalary bu kitabyň ilkinji eýeleri boldular.
Tehnologiýa dünýäsinde bolup geçýän wakalar we täze açyşlar bilen gyzyklanmaýan okyjy ýok bolsa gerek!
