Ýewropa yklymynda Ýewropa çempionaty, Amerika yklymynda bolsa, Kopa Amerika ýaryşy tamamlandy. Ýewropa Ispaniýa, Amerikada bolsa, Lionel Messili Argentina bassyr 2-nji gezek Amerikanyň Kubogyny gazandy.
15-nji iýunda Amerikanyň Birleşen Ştatlarynda badalga alan Kopa Amerika kubogy şu gün, ýagny Aşgabat wagty 09:00 töweregi tammalandy. Maýami şäherindäki “Hard Rok” stadionynda Argentina bilen Kolumbiýa duşuşdy.
Duşuşygyň esasy wagty 0:0 hasabynda tamamlandy. Soňra goşmaça wagt berildi. Şol goşmaça wagtyň 112-nji minutynda Lautaro Martinesiň geçiren goly bilen Argentina Kopa Amerika kubogyny gazandy.
Şeýlelikde, Argentina bu kubogy bassyr 2-nji gezek yzly-yzyna gazandy. 2021-nji ýylda Braziliýany 1:0 hasabynda utan Argentina bu gezek Kolumbiýany 1:0 hasabynda ýeňip, kubogy eýelemegi başardy.
Argentina bu ýaryşda “A” toparçasynda çykyş edip, ähli duşuşyklarynda ýeňiş gazandy. Soňra pleý-off tapgyrynda bolsa, Ekwadory we Kanady ýeňip, finala çykan Argentina ýene-de bir kubogyny gazandy.
Argentinanyň ýyldyzlary Lionel Messi Kopa Amerikadaky iň soňky duşuşygyny, Anhel Di Mariýa bolsa, Argentinanyň milli ýygyndysyndaky soňky duşuşygyny gazandy.
8 gezek “Altyn pökgi” baýragyny gazanan Lionel Messi Argentinanyň ýygyndysy bilen 3-nji kubogyny gazandy. Mundan ozal, 2021-nji ýylda Kopa Amerikany gazanan Messi 2022-nji ýylda Katarda geçirilen dünýä çempionatynda hem çempion bolupdy.
Argentina 16-njy gezek Kopa Amerika kubogyny eýelp, bu ugurda öňdeligi eýeledi.