Meşhur argentinaly ýyldyz Lionel Messiniň “Barselona” toparyndan gitmegi futbol dünýäsiniň iň uly wakasy bolupdy. Ýöne Messi üçin bu toparyň gapylary doly ýapylmady. Bir döwür toparda bile çykyş eden we häzirki wagtda tälimçilik edýän Hawiniň Messini yzyna gaýtarmagy isleýändigi mälim edildi.
2021-nji ýylda 21 ýyllyk “Barselona” futbol karýerasyny tamamlan Messi Fransiýanyň “PSŽ” toparyna geçipdi. Ýöne onuň ozalky toparyna gaýdyp gelmegi entek hem gün tertibinde galýar.
Tälimçi Hawi ozaly topardaş ýoldaşy Messiniň entek hem “Barselona” toparyna goşant goşup biljekdigini mälim etdi.
– Messiniň başga bir topar bilen şertnamasy bar. Ýöne onuň ýakyn geljekde biziň aramyza goşulmagy mümkin däl. Ýöne toparyň ýolbaşçysy Laportanyň belläp geçişi ýaly, Lionel bilen “Barselonanyň” hekaýasy dowam edýär – diýip, Hawi belläp geçdi.
Hawi 3 ýyldan bäri “Barselona” toparynyň çempionlykdan uzak galandygyny belläp, täzeden çempionlyk üçin taýýardyklaryny belledi. Ol Lewandowski ýaly güýçli futbolçylary düzümine goşandyklaryny belläp, “Barselonany” ozalkysy ýaly, çempion topara öwürmegiň wagtynyň gelendigini belledi.
“Barselona” toparynyň 1 milliard ýewro golaý bergisiniň bardygyna garamazdan, topar 2022-nji ýylyň tomsunda Robert Lewandowski, Rafinýa, Frank Kessie we Andreas Kristensen ýaly futbolçylary düzümine goşdy.