«Merkezi Aziýa – Ýewropa Bileleşigi» 19-njy ministrler duşuşygyna gatnaşan ÝB-niň daşary işler we howpsuzlyk boýunça ýokary komissary Žozep Borrel 2024-nji ýylda boljak birnäçe möhüm çäreler barada habar berdi.
Onuň bellemegine görä, 2024-nji ýylda «Merkezi Aziýa – Ýewropa Bileleşigi» formatyndaky ilkinji ýokary derejeli syýasy sammit Özbegistanda geçiriler.
Şeýle hem geljek ýyl ÝB-niň maýadalar forumy hem-de durnukly ulag boýunça maýadarlaryň forumy geçiriler.
Žozep Borrel bular barada «Merkezi Aziýa – Ýewropa Bileleşigi» 19-njy ministrler duşuşygynyň öňüsyrasynda metbugat ýygnagynda belläp geçdi.
Ilkinji gezek «Merkezi Aziýa – Ýewropa Bileleşigi» 19-njy ministrler duşuşygy “5+27” formatynda, ýagny ÝB-niň düzümine girýän ähli döwletleriň ministrleriniň gatnaşmagynda geçirildi.