Fransiýanyň “PSŽ” toparynyň hem-de milli ýygyndynyň hüjümçisi Kilian Mbappe “Globe Soccer Awards” tarapyndan Ýewropanyň iň gowy futbolçysy hökmünde saýlandy. Merkezi Dubaýda ýerleşýän “Globe Soccer Awards” tarapyndna her ýyl futbol boýunça uly üstünlik gazananlar sylaglanýar.
Mbappe Ýewropanyň iň gowy futbolçysy baýragy ugrundaky bäsleşikde Jud Bellingem, Filip Foden, Antuan Grizmann, Seru Girassi, Erling Holand, Garri Keýn, Lautaro Martines, Rodri, Mohamed Salah, Bernardo Silwa we Winisius ýaly futbolçylardan öňe saýlandy.
Kilian Mbappe şu möwsümde ähli ýaryşlarda 48 duşuşykda oýnap, 44 gol geçirdi. Ol “PSŽ” topary bilen Fransiýanyň çempiony boldy hem-de Fransiýanyň kubogyny gazandy.
Täze möwsümde Kilian Mbappeniň “Real Madrid” toparynda çykyş etmegine garaşylýar.