«Awaza» milli syýahatçylyk zolagynda geçiriljek BMG-niň maslahatyna gatnaşmak maksady bilen ýurdumyza gelen Malawi Respublikasynyň Wise-prezidenti jenap Maýkl Bizwik Usi Aşgabat şäherine geldi.
Paýtagtymyzyň Halkara howa menzilinde belent mertebeli myhman resmi adamlar tarapyndan dabaraly ýagdaýda garşylandy. Garşylama dabarasynda oňa türkmen myhmansöýerliginiň iň gowy däplerine laýyklykda hormat bildirildi.
Aşgabatdaky dabaraly garşylanyşdan soň, jenap Maýkl Bizwik Usi maslahatyň geçiriljek ýeri bolan Türkmenbaşy şäherine ugrady.
Wise-prezidentiň derejesinde wekilçilik edilmegi Malawiniň bu möhüm halkara foruma uly ähmiýet berýändiginiň aýdyň subutnamasydyr.