Germaniýanyň raýaty bolan we häzirki wagtda Angliýanyň “Mançester Siti” toparynyň ýarymgoragçysy Leroý Sane ýakyn wagtda Watanyna dolanyp geler. Germaniýanyň “Bawariýa” topary bu futbolçy bilen ylalaşyk gazandy. Sane bilen 5 ýyllyk şertnama baglaşmagyň göz öňünde tutulýandygy habar berilýär. Bu transferiň bahasy 40 million bilen 60 million ýewro aralygynda üýtgäp biler.
“Mançester Siti”-niň wekilleri bilen gepleşikleriň henizem dowam edýändigi mälim edildi. Germaniýanyň “Bild” gazetiniň habaryna görä, “Bawariýanyň” degişli ýolbaşçylaryndan Oliwer Kan we Hasan Salihamidziç Saneniň toparyň düzümine goşulmagyny tassykladylar.
Leroý Sane 2016-njy ýylda Germaniýanyň “Şalke” toparyndan Angliýanyň “Mançester Siti” toparyna geçipdi. Şonda iňlis topary bu futbolçy üçin 52 million ýewro töläpdi.