SPORT

Laporta täzeden “Barselonanyň” prezidentligine saýlandy

Žuan Laporta gaýtadan Ispaniýanyň “Barselona” toparynyň ýolbaşçysy wezipesine saýlandy. 58 ýaşly Laporta bu ugurda geçirilen saýlawlarda 54,28 göterim ses aldy. Ol esasy bäsdeşleri Wiktor Fontdan hem-de Toni Freýşden öňe saýlandy.

Laporta “Barselona” toparynyň ýolbaşçysy wezipesine saýlanmak üçin geçirilýän saýlawlara 4-nji gezek gatnaşdy. 2003-nji ýylda ýeňiş gazandy, 2006-njy ýylda başga dalaşgär bolmandygy üçin wezipesini dowam etdirdi. 2015-nji ýylda Žozep Bartomeu ýeňildi.

Laporta 2003-2010-njy ýyllarda aralygynda dünýäniň bu iň uly futbol toparyna ýolbaşçylyk etdi. Şol döwürde topar 4 gezek Ispaniýanyň çempiony, 2 gezek Çempionlar ligasyny we umulylykda 12 kubok gazandy. 2009-njy ýylda bolsa “Barselona” bir ýylyň dowamynda 6 kubogy gazanypdy.

Laporta bu wezipä Žozep Bartomeunyň ornuna geldy. Žoan Laporta gazanan ýeňşinden soňra eden çykyşynda dünýäniň iň gowy hüjümçileriniň biri hasaplanýan Lionel Messiniň toparda galjakdygyna ynam bildirdi.

– Taryhyň iň gowy futbolçysy Messi öz ogly bilen saýlawlara gatnaşdy we ses berdi. Bu hem onuň “Barselona” toparyny gowy görýändigini görkezýar. Biz örän gowy maşgala. Onuň toparda galmagy ugrunda tagalla ederin – diýip, Laporta belledi.

Türkmen gelin-gyzlaryň saýty hereket edip başlady:Turkmengazet.com

Ýene-de okaň

«Arkadag» topary AFK-2 Çempionlar ligasynda «Al-Ahli» bilen deňme-deň oýnady

Durant NBA taryhyndaky iň köp hak alýan basketbolçy bolar

Türkmenistanyň Futbol federasiýasynyň başlygy FIFA-nyň Tehniki ösüş komitetiniň agzalyga saýlandy

Futbol boýunça dünýä çempionaty üçin 1 milliondan gowrak bilet satyldy

Ata Watan Eserleri

Ronaldo dünýäde iň köp hak alýan futbolçy boldy

Aziýanyň tennis federasiýasy Türkmenistanda tennisiň ösüşine ýokary baha berdi