Russiýanyň Prezidenti Wladimir Putin bilen Laosyň Prezidenti Thonglun Sisulit Kreml köşgünde duşuşdylar. Laosyň Prezidenti Russiýada resmi saparda boldy.
Duşuşykda iki ýurduň arasyndaky syýasy, söwda-ykdysady hem-de medeni-ynsanperwer ugrundaky hyzmatdaşlyk gatnaşyklary ara alnyp maslahatlaşyldy.
Geçen ýyl iki ýurduň arasyndaky söwdanyň möçberi 66 göterim ýokarlandy. Şu ýylyň 5 aýynda bu görkeziji 20 göterim artdy.
– Siz biziň ýurdumyzy gowy tanaýarsyňyz. Sizi Russiýanyň ýakyn dosty hasaplaýarys. Siz Russiýadaky Gersen adyndaky Peterbugryň pedagogika institutyny tamamladyňyz – diýip, Wladimir Putin belläp geçdi we Laosyň Premýer-ministrini sentýabr aýynda Russiýada geçiriljek Gündogar ykdysady foruma gatnaşmaga çagyrdy.
Öz gezeginde Laosyň Prezidenti Thonglun Sisulit Russiýa pil jübütini sowgat etmek isleýändigini aýtdy.
– Russiýa bilen Laosyň arasynda ýola goýlan diplomatik gatnaşyklaryň 65 ýyllygy mynasybetli Laosyň hökümeti we halky Size, Russiýa Federasiýasyna pil jübütini sowgat eder – diýip, Laosyň Prezidenti belledi.
Piller Laosyň nyşanydyr, şeýle hem olar parahatçylygyň we abadançylygyň simwoly hasaplanýar.