Nýu-Ýork şäherindäki «Kristis» auksionynda fransuz suratkeşi Pol Sezanyň «Küýze we miweler» atly işi 59,29 million dollara satyldy. Şeýlelikde, bu eser 13-nji maýdaky iň gymmat çeperçilik eserine öwrüldi.
«Küýze we miweleriň» käbir bäsdeşleriniň bahasy hem başyňy aýlaýar. Mysal üçin, şol gün Wan Goguň «Keselhananyň howlusyndaky daragtlar» atly peýzaŽy 40 million, Amedeo Modilýaniniň «Kalla» atly heýkeli 34,32 million dollara satyldy. Galyberse-de, şol günki lotlaryň arasynda Pablo Pikasso, Anri Matiss, Klod Mone ýaly dünýä meşhur nakgaşlardyr heýkeltaraşlaryň eserleri hem bardy.
Gysgaça aýtsak, «Kristisde» diňe 13-nji maýda bolup geçen auksionda 400 million dollardan gowrak söwda edildi.