Amerikanyň Birleşen Ştatlarynyň Geologiýa gözleg instituty (USGS) tarapyndan berlen maglumata görä, Karib deňzinde 7,6 bal ululygynda güýçli ýer titremesi boldy. Ýer titremesi, Kayman adalarynyň günbatarynda bolup geçip, sebitde uly alada döredip, birnäçe ýurtda hem duýuldy.
Ýer titremäniň merkezi we täsiri
Ýerli wagt bilen sagat 18:23-de ýüze çykan ýer titremäniň merkezi Kayman adalarynyň 209 kilometr günorta-günbatarynda, deňiz düýbünde ýerleşýär. Titremäniň täsiri bilen Ýamaýka, Kuba, Gonduras we Meksika ýaly ýurtlarda hem güýçli yrgyldylar duýuldy.
Sunami duýduryşy berildi
ABŞ-nyň Milli Howa Gullugynyň (NWS) Sunami Duýduryş ugamy ýer titremäniň yzýany giňişleýin Sunami howpy barada duýduryş berdi. Bu duýduryş esasan Kayman adalary, Ýamaýka, Kuba, Meksika, Gonduras, Bahamalar, , Beliz, Gaiti, Kosta-Rika, Panama, Nikaragua we Gwatemalanyň deňiz ýaka sebitlerini öz içine alýar.