39 ýaşyndaky senator Jeýms Dewid Wens 5-nji noýabrda geçiriljek ABŞ-nyň prezident saýlawlarynda Respublikan partiýasyndan wise-prezidentlige dalaşgär boldy.
Respublikan partiýasynyň prezidentlige dalaşgäri Donald Tramp özüniň wise-prezidenti wezipesine Jemýs Dewid Wensi saýlady.
– Men uly hoşallyk bilen Amerikanyň Birleşen Ştatlarynyň wise-prezidentligine dalaşgärlik teklibini resmi taýdna kabul edýärin – diýip, Wens Respublikan partiýasynyň Wiskonsin ştatynyň Miluoki şäherinde geçirilen milli sessiýasynda eden çykyşynda belläp geçdi.
Häzirki wagtda Jeýms Dewid Wens ABŞ-nyň Kongresinde 2023-nji ýylyň ýanwaryndan bäri Ogaýo ştatynyň senatory bolup durýar. Ol 2022-nji ýyldaky saýlawlarda Tramp goldaw beripdi.
Jeýms Wens 1984-nji ýylyň 2-nji awgustynda Ogaýo ştatynda dünýä indi. Wens mekdebi tamamlap, harby gulluga gitdi. Ol harby deňiz güýçlerinde gulluk edip, şol ýerde harby habarçy bolup işledi. Harby gullukdan dolanyp gelip, 2 ýylda Ogaýo uniwersitetini tamamlady. Soňra Ýel uniwersitetiniň hukuk fakultetine okuwa girdi. Soňra işewür Piter Tilýunyň maýa goýum kompaniýasyna işe girip, 2017-nji ýylda öz firmasyny döretdi.
Onuň kynçylykly geçen çagalyk durmuşyna bagyşlap ýazan “Elegiýa Hillbili” kitaby iň köp satylan kitaplaryň biri boldy.