Dünýä belli milliarder Jeff Bezos we teleýaýlym alypbaryjysy Loren Sançes Wenesiýanyň kenarynda Bezosa degişli kaşaň ýahtada durmuş toýuny gurar. Munuň üçin 500 million dollar sarp ediler.
Durmuş toýunyň dabaralary 3 gün dowam edip, ol 24-nji iýunda başlar. Bu dabaralara 200-e golaý myhman çagyrylyp, olaryň arasynda Ewa Longoriýa, Keti Perri, Orlando Blum, Leonardo di Kaprio, Opra Uinfri, Barbara Streýzand, Kris Jenner we Kim Kardaşýan bar.
Wenesiýanyň kaşaň 5 sany 5 ýyldyzly myhmanhanalary 3 günlügine dolulygyna sargyr edildi. Wenesiýanyň häkimi öz gezeginde resmi beýanat berip, şäheriň 200 myhmany kabul etmäge taýýardygyny belledi.
Şeýle hem ol mundan ozal, iri birnäçe çäreleri gurnandyklaryny we Wenesiýa kinofestiwaly, şeýle hem 18 günlük karnawaly agzap boljakdygyny belledi.
Ýöne häzirki wagtda dünýäniň iň gymmat nika toýy Hindistanda geçirildi. Aziýanyň iň baý adamy hindistanly Mukeş Ambani oglunyň durmuş toýy üçin uly möçberde serişdeler sarp etdi.