JEMGYÝET

“Italiýa-Merkezi Aziýa” formatyndaky ministrler maslahaty geçirildi

Şu gün Özbegistanyň paýtagty Daşkent şäherinde “Italiýa-Merkezi Aziýa” formatyndaky 2-nji ministrler maslahaty geçirildi. Özbegistanyň başlyklyk etmeginde geçirilen maslahatda Türkmenistanyň daşary işler ministri wideoýüzlenme bilen çykyş etdi.

Maslahata Özbegistanyň daşary işler ministri Abdulaziz Kamilow, Täjigistanyň daşary işler ministri Sirojiddin Muhriddin, Gyrgyz Respublikasynyň daşary işler ministri Ruslan Kazakbaýew, Gazagystanyň daşary işler ministri Muhtar Tleuberdi, Italiýanyň daşary işler ministri Luiji di Maýo hem-de Ýewropa Bileleşiginiň Merkezi Aziýa boýuna ýorite wekili Tera Hakala gatnaşdy.

Özbegistanyň Daşary işler ministrliginiň resmi internet sahypasynyň habar bermegine görä, taraplar Italiýa bilen Merkezi Aziýa ýurtlarynyň arasyndaky hyzmatdaşlygyň häzirki ýagdaýyny we özara gatnaşyklaryň geljegini ara alyp maslahatlaşdy. Häzirki zaman kynçylyklaryna we howplaryna bilelikde garşy göreşmegiň möhümdigini bellenildi.

Şeýle hem maslahatyň çäklerinde sebitleýin ykdysady hyzmatdaşlygy gowulandyrmak, söwda we maýa goýum, ulag we üstaşyr ugurlarda hyzmatdaşlygyň özara täsiriniň netijeliligini ýokarlandyrmak üçin mehanizmler babatda pikir alşyldy. Energetika, oba hojalygy we senagat enjamlary pudaklarynda bilelikdäki taslamalaryň durmuşa geçirilmegine aýratyn üns berildi.

Pandemiýa garşy göreşmek we onuň netijelerini ýeňip geçmek boýunça çäreler barada pikir alyşmak arkaly saglygy goraýyş pudagynda bilelikdäki tagallalaryň ileri tutulýan ugurlary kesgitlenildi.

 

Merkezi Aziýanyň daşary işler ministrleriniň orunbasarlarynyň duşuşygy geçirildi

Ýene-de okaň

“Aga gurluşyk” hususy kärhanasy Azerbaýjanyň Fizuli şäherinde metjit gurar

Ata Watan Eserleri

Türkmenistanyň Mejlisinde Irlandiýa Respublikasynyň ilçisi ynanç hatyny gowşurdy

Türkmenistanyň Prezidenti Hytaý Halk Respublikasynyň ýolbaşçylaryny gutlady

EKSPO-2025: Türkmenistanyň pawilýony 2 milliondan gowrak myhmany kabul etdi

Ata Watan Eserleri

Stanfordly türkmen alym: “Makul Sözlük” – nesiller bilen diaspora arasynda gurlan täsin bir köprüdir

Antoniu Guterriş Türkmenistany Garaşsyzlyk güni bilen gutlady

Ata Watan Eserleri