Fransiýanyň “L’Equipe” gazeti Ispaniýanyň milli çempionaty bolan “La Liganyň” toparlarynda iň köp aýlyk alýan futbolçylaryň we tälimçileriň sanawyny düzdi. Şol sanawda futbolçylaryň arasynda Lionel Messi, tälimçileriň arasynda bolsa Diego Simeone birinji orny eýeledi.
Ispaniýanyň çempionatynda futbolçylaryň arasynda iň köp hak alýan “Barselona” toparynyň hüjümçisi Lionel Messidir. Onuň aýlyk zähmet haky 10,5 million ýewrodyr. Ikinji orunda “Barselona” toparynyň fransiýaly hüjümçisi Antuan Grizmann hem-de “Atletiko Madrid” toparynyň hüjümçisi Luis Suares durýar. Olaryň zähmet haky 2,9 million ýewrodyr.
Tälimçileriň arasynda hemmelerden köp “Atletiko Madrid” toparynyň tälimçisi Diego Simeone gazanýar. Onuň bir aýlyk gazanjy 3,6 million ýewrodyr. Bu ugurda ikinji orny Zinedin Zidan (1.4 mln) we üçünji orny Ronald Kuman (1.2 mln) eýeledi.