Dünýä belli “Apple” kompaniýasy global çip krizisi sebäpli önümçilik maksatlaryna ýetip bilmez. Kompaniýanyň yglan edeninden 10 million az telefon öndürjekdigi mälim edildi. Bu habardan soň “Apple” -iň we oňa çip öndürýän kompaniýalaryň paýnamalary pese gaçdy.
Kompaniýa 10 million az telefon öndürip biler. “Apple” ozal soňky çärýekde “iPhone 13” kysymly smartfondan 90 millionyny öndürmegi maksat edinýärdi.
“Apple” kompaniýa sentýabr aýynda “iPhone 13”, “iPhone 13 mini” “iPhone 13 Pro” we “iPhone 13 Pro Max” -den ybarat täze “iPhone 13” ugruna degişli telefonlaryny hödürläpdi. Kompaniýa sentýabr aýynyň ahyrynda telefonlarynyň satuwyna başlapdy.