Beýik Britaniýanyň Oksford uniwersitetiniň we “AstraZeneca” farmasewtiki kompaniýasynyň bilelikde öndüren koronawirus keseline garşy sanjymy ilata sanjym edilip başlandy. Ilkinji bolup 82 ýaşly britaniýaly Braýan Pinkere sanjym edildi diýip, “Sky News” teleýaýlymy habar berýär.
Bu sanjymy geçen hepdede Beýik Britaniýanyň hökümeti ulanmaga rugsatnama beripdir. Britaniýanyň ýaşaýjy Pinker Oksford uniwersitetiniň lukmançylyk merkezine ýerleşdirildi. Şeýle hem ol ýerde özüniň ýerli ýaşaýjydygyny tanatdy we sanjymyň bu ýerde oýlanyp tapylandygyna aýratyn buýsanýaryn diýip, belledi.
4-nji ýanwarda kompaniýa köpçülikleýin sanjym etmek işlerine başlandygyny habar berýär. Mundan başga-da dekabr aýynyň ahyrynda Beýik Britaniýanyň saglygy goraýyş ministri Mett Henkok bu sanjymdan 100 million dozasyny sargyt edendigini we ýurduň ilatyna sanjymyň ýeterli boljakdygyny buýsanç bilen belledi.
Ýurdumyzda we dünýäde bolup geçýän ykdysadyýete degişli täzeliklerden “habardar” bolmak isleýän bolsaňyz, bu sahypa Siziň üçin!
