Hindistanyň Türkmenistandaky Adatdan daşary we Doly ygtyýarly ilçisi Widhu Pithambaran Nair Türkmenistanda işleýän daşary ýurt kompaniýalarynyň wekilleri bilen duşuşdy. Bu duşuşyk barada ilçihananyň sosial aragatnaşyk torlaryndaky sahypasynda habar berildi.
Ilçi bilen kompaniýalaryň wekilleriniň arasyndaky duşuşykda, esasan, hindi işçilerini iş bilen üpjün etmek, olaryň hal-ýagdaýyny gowulandyrmak we dürli taslamalar barada hindi kompaniýalary bilen hyzmatdaşlygy ýola goýmak ýaly meseleler ara alnyp maslahatlaşyldy.
Widhu Pithambaran Nair Türkmenistandaky diolomatik işine geçen ýylyň sentýabr aýynda girişdi. Şu ýylyň ýanwarynda bolsa ol Türkmenistanyň Ministrler Kabinetiniň orunbasary M.Geldinyýazow bilen wideoaragatnaşyk arkaly duşuşyk geçirip, iki ýurduň arasynda saglygy goraýyş we bilim babatyndaky hyzmatdaşlyklaryň geljegi barada pikir alyşdy.