Hormatly Prezidentimiz Gurbanguly Berdimuhamedow Estoniýa Respublikasynyň Prezidenti Alar Karisi hem-de ýurduň halkyny Estoniýa Respublikasynyň milli baýramy — Garaşsyzlyk güni bilen gutlady.
Döwlet Baştutanymyz pursatdan peýdalanyp, Prezident Alar Karise berk jan saglyk we bagtyýarlyk, Estoniýanyň halkyna bolsa parahatçylyk, mundan beýläk-de öňegidişlik hem-de rowaçlyk arzuw etdi.
Estoniýanyň döwlet baýramçylygy, her ýyl 24-nji fewralda, Estoniýa Respublikasynyň döredilen senesi hasaplanýan 1918-nji ýylda Estoniýanyň Garaşsyzlyk Jarnamasynyň Tallinde kabul edilmeginiň hormatyna bellenilýär.