Türkiýäniň Beýik Millet Mejlisiniň (TBMM) Başlygy Mustafa Şentop bilen telefon arkaly söhbetdeş bolan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ynsanperwer ugrundaky gatnaşyklaryň dostlukly hyzmatdaşlyk gatnaşyklaryny ösdürmegiň möhüm bölegi bolup durýandygyny belledi.
Halk Maslahatynyň Başlygy döwletara gatnaşyklarynyň möhüm ugurlarynyň biri bolan ylym-bilim ulgamyndaky gatnaşyklara ünsi çekip, häzirki günde ildeşlerimiziň müňlerçesiniň Türkiýäniň ýokary we orta hünär okuw mekdeplerinde bilim alýandyklaryny belledi.
Türkmenistanyň Halk Maslahatynyň Başlygy Gurbanguly Berdimuhamedow türkmen ýaşlarynyň bilim almagyny guramak meselesine goldaw berýändikleri üçin türk tarapyna minnetdarlyk bildirdi.
Halk Maslahatynyň Başlygy ylym we bilim ulgamynda hyzmatdaşlygy işjeňleşdirmek üçin mundan beýläk-de maksatnamalaýyn çäreleriň amala aşyryljakdygyny nygtady.