JEMGYÝET

Halaçda täsin haly dokaldy

Halajyň çeper halyçylyk kärhanasynyň ezber elli halyçylary ýene bir täsin halyny tamamladylar. Bu ýerde atyň naly görnüşindäki ýarym tegelek halyny dokamak işleri doly gutardy.

Meýdany 31,86 inedördül metr bolan bu üýtgeşik halyny ussat halyçy Jennet Rozyýewanyň ýolbaşçylygynda jemi 20 halyçy dokady. Halynyň daşy bilen alnanda, diametri 7 metr 80 santimetr bolup, içiniň diametri 4,5 metre deňdir. Ýerligi al-gyzyl reňkde bolan halynyň jemi üç hatarynda 135 göl ýerleşýär. Gölleriň töweregini gurşap alan nagyşlar, göýä, jähek ýaly bolup, hala özboluşly gelşik berýär.

Ýeri gelende aýtsak, bu kärhananyň halyçylary trapesiýa görnüşli halylary dokamakda hem baý tejribe topladylar. Olaryň ýiti zehininden we uçursyz ezberliginden dörän eserleriň köp sanlysy döwlet bäsleşikleriniň hem ýeňijisi boldy. Halaçda dokalan halylara dünýä bazarynda hem isleg ýokary.

Ýene-de okaň

BMG-niň Baş sekretaryndan Türkmenistanyň Prezidentine hoşallyk haty

Türkmenistan bilen Hytaý tehniki-ykdysady hyzmatdaşlyk ylalaşygyna gol çekdi

“Makul habar” elektron gazeti (33-sany)

Ata Watan Eserleri

Awazada taryhy üçtaraplaýyn duşuşyk: energetika we ulag hyzmatdaşlygy ösdüriler

Özbegistanyň Prezidentine köşekli arwana düýe sowgat berildi

Ata Watan Eserleri

Awazadaky taryhy üçtaraplaýyn duşuşyk: resminamalar toplumyna gol çekildi

Ata Watan Eserleri