Angliýanyň “Mançester Ýunaýted” topary düzüminde oýnaýan fransuz futbolçy Pol Pogbanyň gidýändigini mälim etdi. Şeýle hem bu toparyň düzümindäki Jessi Lingard hem başga topara geçýär.
Mundan başga-da, Ispaniýanyň “Real Madrid” topary öz düzümindäki Garet Beýliň hem-de Iskonyň gidýandigini mälim etdi.
Şol bir wagtda “Barselona” bilen “Mançester Ýunaýted” topary de Ýonguň iňlis toparyna geçmegi üçin gepleşikler geçirýär. Ispan topary öz futbolçysy üçin 85 million ýewro talap edýär.
Pol Pogbanyň şu ýylyň iýunynda topary bilen baglaşan şertnamasynyň möhleti tamamlanýar. Iňlis topary 29 ýaşyndaky ýarym goragçy bilen şertnamanyň möhletini uzaltmagy göz öňünde tutmaýar. Pogba bu topara 2016-njy ýylda “Ýuwentus” toparyndan geçipdi.