Garaşsyz Döwletleriň Arkalaşygyna agza ýurtlaryň hökümet Baştutanlarynyň mejlisi Gazagystanyň paýtagty Astanada geçirildi. Ol GDA-nyň hökümet Baştutanlarynyň 80-nji mejlisi boldy.
Hökümet Baştutanlarynyň duşuşygyna gatnaşyjy ýurtlaryň wekilleri Gazagystanyň Prezidenti Kasym-Žomart Tokaýew kabul etdi.
Duşuşyga Gazagystanyň Premýer-ministri Alihan Smailow, Azerbaýjanyň Premýer-ministri Ali Asadow, Belarusyň Premýer-ministri Roman Golowçenko, Täjigistanyň Premýer-ministri Kohir Rasulzoda, Özbegistanyň Premýer-ministri Abdulla Aripow, Gyrgyz Respublikasynyň Prezidentiniň Administrasiýasynyň ýolbaşçysy Akylbek Žaparow, Türkmenistanyň Ministrler Kabinetiniň Başlygynyň orunbasary Hojamyrat Geldimyradow we GDA-nyň Ýerine ýetiriji sekretary Sergeý Lebedew gatnaşdy.
Duşuşygyň dowamynda gatnaşyjylar 2023-nji ýylda Belarus Respublikasynda GDA ýurtlarynyň II oýunlaryny geçirmek we sanitariýa we epidemiologiki häsiýetli jemgyýetçilik saglyk adatdan daşary ýagdaýlarynyň öňüni almak we olara garşy göreşmek boýunça hyzmatdaşlyk şertnamasy kabul etmek meselesini ara alyp maslahatlaşdylar.
Çäräniň netijesinde wekiliýetleriň ýolbaşçylary birnäçe resminama gol çekdiler. GDA-nyň başlyklygy Gazagystandan Gyrgyz Respublikasyna geçdi.
Hökümet baştutanlarynyň geňeşiniň indiki mejlisini 2023-nji ýylyň iýunynda Soçide geçirmek kararyna gelindi.