Braziliýanyň “Fluminense” toparynyň derwezeçisi Fabio Lopes professional futbolçylaryň arasynda iň köp duşuşyga gatnaşan futbolçy hökmünde rekord goýdy.
Fabio Kolumbiýanyň “América de Cali” toparyna garşy Günorta Amerikanyň kubogynyň 1/8 final duşuşygynyň ahyryna çenli toparynyň derwezesini gorady. “Fluminense” bu duşuşykda 2:0 hasabynda ýeňiş gazandy. Bu oýun Fabionyň karýerasynda 1391-nji duşuşygy boldy. Şu görkezijisi boýunça braziliýaly öňki Angliýanyň milli ýygyndysynyň derwezeçisi Piter Şiltondan (1390) öňe geçdi. Şilton 1966-njy ýyldan 1997-nji ýyla çenli professional derejede çykyş edipdi.
Fabio häzir 44 ýaşynda. Ol 1997-nji ýylda karýerasyna başlady. 2000-nji ýylda “Wasko da Gama” bilen, 2013-nji we 2014-nji ýyllarda bolsa “Kruzeiro” bilen Braziliýanyň üç gezek çempiony boldy.
“Fluminense” toparynda 2022-nji ýyldan bäri çykyş edýär. 2023-nji ýylda Günorta Amerikanyň futbolynyň esasy klub ýaryşy bolan “Libertadores Kubogynyň” ýeňijisi boldy. 2004-nji ýylda Braziliýanyň milli ýygyndysy bilen Amerika Kubogyny gazandy.