Mälim bolşy ýaly, Angliýanyň, Fransiýanyň hem-de Ispaniýanyň milli futbol çempionatlary badalga aldy. Eýýäm birnäçe tapgyryň duşuşyklary geçirildi. Ýewropanyň öňdebaryjy çempionatlaryndan biri hasaplanýan Germaniýanyň çempionaty şu gün geçen möwsümiň çempiony “Bawariýa” bilen “Şalke” toparlarynyň arasyndaky duşuşyk bilen badalga alýar.
“Bawariýa” topary bassyr 9-njy çempionlygyny gazanmak üçin güýç synanyşar. Çempionatyň ilkinji duşuşygy tomaşaçysyz geçiriler. Möwsümiň soňky duşuşyklaryna tomaşaçy kabul etmek göz öňünde tutulýar. Ýöne ol hem stadionynyň umumy ornunyň 20 göterimden köp bolmaly däldir. Howpsuz aralyk saklanmalydyr.
Germaniýanyň çempionaty 22-nji maýda tamamlanar. Gyşky dynç alşy döwri göz öňünde tutulandyr. Toparlar 13-nji tapgyryň duşuşyklaryndan soňra gyşky dynç alşa çykarlar. Ol hem 18-21-nji dekabra gabat gelýär. 14-nji tapgyr 2-4-nji ýanwarda täzeden başlar.
Telekeçilik bilen meşgullanmak isleýän ýaşlaryň we telekeçileriň söýgüli sahypasy-Telekeçilik Sahypasy!
