TEHNOLOGIÝA

Fransiýada emeli intellekt üçin maýa goýumlary 85 milliard dollara ýetdi

Kanadanyň “Brookfield” maýa goýum kompaniýasy 2030-njy ýyla çenli Fransiýadaky emeli intellekt taslamalaryna 20,7 milliard dollar maýa goýmagy meýilleşdirýär. Şunuň bilen baglylykda Fransiýanyň emeli intellekt ekoulgamyna goýulýan maýa goýumlaryň möçberi 85 milliard dollara barabar bolar.

Kanadanyň kompaniýasy Fransiýada emeli intellekt ugry boýunça maglumat merkezleriniň döredilmegine maýa goýumlaryny gönükdirmegi meýilleşdirýär.

Fransiýada 10-11-nji fewralda döwlet Baştutanlarynyň hem-de iri tehnologiýa kompaniýalarynyň ýolbaşçylarynyň gatnaşmagynda emeli aň boýunça hereket meýilnamasy boýunça sammit geçirilýär.

Emeli intellekt ulgamyna iri maýa goýumlaryň gönükdirilmegiň özboluşly sebäpleri hem bar. Çünki Amerikanyň Birleşen Ştatlarynda “OpenAI”, “SoftBank” ýaly birnäçe kompaniýalaryň birleşmeginde emeli intellekt üçin birnäçe iri maglumat merkezlerini döretmek babatda 500 milliard dollarlyk “Stargate” taslamasyny durmuşa geçirmek göz öňünde tutulýar.

Bu taslama Ýewropanyň öňdebayrjy ýurtlaryny hem biparh goýmady. Ýewropa sebitiniň hem bäsdeşlik etmegi üçin bu ugra maýa goýumlary gönükdirmegi zerurdyr.

Ýene-de okaň

Mask robotlaşdyrylan taksi hyzmatyny ýola goýýar

“San­ly çöz­güt-2025”: eme­li aň ugry hem goşuldy

Elektromobiller dünýä awtoparkyny üýtgedýär

“Google” we Çili Awstraliýa çenli optiki süýümli kabel çeker

Hytaýyň awiakompaniýalary “Airbusdan” 500 uçar satyn alar

Russiýanyň uçarlarynda internet 2027-nji ýylda peýda bolar