Günorta Amerikanyň Çempionlar Ligasy bolan “Libertadores” kubogynda çempion belli boldy. Final duşuşygynda Argentinanyň “Boka Huniors” topary bilen Braziliýanyň “Flumenense” topary duşuşdy.
Duşuşykda 2:1 hasabynda ýeňiş gazanan Braziliýanyň “Flumenense” topary ilkinji gezek “Libertadores” kubogyny gazandy.
Duşuşygyň esasy wagty 1:1 hasabynda tamamlandy. Ýeňiş getiren goly 99-njy minutda Jon Kennedi Batista öz adyna ýazdy.
Brazil topary mundan ozal, 2006-njy ýylda bu kubok ýaryşynda finala çykypdy. Onda-da Ekwadoryň toparyna ýeňlipdi.
Umaman, brazil toparlary soňky 5 ýylda yzly-yzyna bu kubogy eýeläp gelýär. Mundan ozal, “Flamengo” topary we “Palmeras” topary 2 gezekden bu kubogyň eýesi boldy.
Ýöne umumylykda, kubogy eýelemekde argentin toparlary öňde barýar. Argentin toparylary 25 gezek bu kubogy gazanan bolsa, brazil toparlarynyň kubogynyň sany 23-e deňdir.
Braziliýanyň “Flumenense” toparynyň düzüminde “Real Madrid” toparynyň ozalky goragçysy 35 ýaşyndaky Marselo hem çykyş edýär.