2023-nji ýylyň 24-nji dekabrynda Bajgiran şäherinde ýörite Täze ýyl baýramyna degişli harytlaryň we Eýranyň ortaça kompaniýalarynyň öndürýän önümleriniň birinji söwda-satuw festiwaly açyldy. Bu barada Eýranyň Türkmenistandaky ilçihanasy habar berýär.
2023-nji ýylyň 29-njy dekabryna çenli dowam etjek bu festiwalda azyk önümleriniň dürly görnüşleri, şol sanda guradylan miwe-maňyz önümleri, konditer önümleri, sowgatlyk amaly-haşam işleri, aýakgap, egin-eşikler alyjylara hödürlenilýär.
Şeýle hem, tejribeli lukmanlar festiwalyň geçirilýän ýerinde isleg bildirýänlere deslapky barlag-anyklaýyş we lukmançylyk bejeriş hhtzmatlaryny amala aşyrýarlar.
Türkmenistanyň raýatlary, şol sanda işewürler we firma ýolbaşçylary bu festiwaly görmek bilen eýranly önüm öndürijilerdir işewürler bilen gönüden-göni gepleşikleri geçirip, söwda gatnaşyklaryny ýola goýup bilerler.