Eýrandan Türkmenistana gelen 25 hytaý raýatyndan ybarat bolan birinji topar öýlerine ugrady. Bu barada Hytaýyň “Sinhua” habarlar gullugy habar berýär.
Sişenbe güni agşam gelen hytaýly raýatlar Türkmenistanyň paýtagty Aşgabadyň halkara howa menziline geldiler. Ol ýerde Hytaýyň ilçihanasynyň iş topary olara uçara hasaba durmakda kömek berdi. Hytaý Halk Respublikasynyň Türkmenistandaky ilçihanasynyň wagtlaýyn ynanylan wekili Çžun Hua howa menzilinde hytaý raýatlary bilen duşuşyp, olara öz duýgudaşlygyny we goldawyny bildirdi.
Hytaýyň Türkmenistandaky ilçihanasynyň habaryna görä, sişenbe güni öýlän ýerli wagt bilen Eýrandan gelen Hytaýyň raýatlarynyň bir topary “Sarahs” serhet geçelgesiniň üsti bilen Türkmenistana geldiler.
Ozal hem habar berşimiz ýaly, Ýakyn Gündogarda ýüze çykan ýagdaýlardan soňra Türkmenistanyň döreden ynsanperwer geçelgelerinden Russiýanyň, Koreýa Respublikasynyň, Özbegistanyň, Gazagystanyň, Hytaýyň raýatlary peýdalanýarlar.