“BMW” we “Volkswagen” kompaniýalary islege laýyklykda ilkinji elektrik modelleri bolan “i3” we “e-Golf” üçin önümçiligini artdyrmak kararyna geldi. Elektrikli awtoulaglara bolan isleg günsaýyn artýarka, ägirt markalar bu bazardaky ýaryşa ýolbaşçylyk etmek üçin işlemegini dowam etdirýärler.
“BMW” 2020-nji ýylda Leýpsigdäki zawodynda “i3” modeliniň önümçiligini artdyrmagy meýilleşdirýär. Häzirki wagtda günde 114 “BMW i3” öndürýän desga şu ýylyň dowamynda bu sany 130-a ýetirer. 2020-nji ýylyň birinji ýarymynda “BMW” 12,500 doly elektrik “i3” öndürdi.
“Volkswagen” -iň ilkinji elektrik modellerinden biri bolan “e-Golf” modeliniň önümçiligi hem artar. “Volkswagen” häzirki wagtda günde 74 “e-Golf” öndürip biler we ýylyň ahyryna çenli bu sany 80-e ýetirer. 20-nji iýulda Wolfsburgdaky zawodda bes edilen “e-Golf” häzirki wagtda Drezden şäherindäki desgada öndürilýär.