Şu gün Aşgabat wagty bilen 19:15-de Ispaniýanyň çempionatynyň 11-nji hepdesindäki duşuşyklaryň çäklerinde “El-Klasiko” duşuşygy geçirildi. “Barselona” topary “Olimpik Lýuis Kompanis” stadionynda “Real Madrid” toparyny kabul etdi.
Duşuşygyň eýýäm 6-njy minutynda Ilkaý Gündogan bilen “Barselona” topary öňe saýlandy. Ilkaý Gündogan “El-Klasikoda” ilkinji goluny geçirdi.
“Real Madrid” topary duşuşygyň ikinji ýarymynda Jud Bellingem 68-nji we 90-njy minutlarda gol geçirip, “Realyň” ýeňşine uly goşant goşdy.
Jud Bellingem “Madridiň” düzümine 13 duşuşykda 12 gol geçirdi. Şeýle hem ol “El-Klasikoda” toparynyň 300-nji goluny öz adyna ýazdyrdy.
Hawiniň ýolbaşçylygyndaky “Barselona” topary “El-Klasikoda” bassyr 2-nji gezek ýeňildi.
Resmi duşuşyklarda “Real Madrid” topary 103 gezek ýeňiş gazanan bolsa, “Barselona” topary 100 duşuşykda garşydaşyny ýeňdi we 52 duşuşyk deňme-deň tamamlandy.
“Real” bilen “Barselonanyň” arasynda umumy duşuşyklaryň netijesi 426:416, madridlileriň peýdasynadyr.