SPORT

El Klasiko: 14 ýyldan soňra “Realyň” uly üstünligi

Ispaniýanyň milli futbol çempionatynda “Barselona” bilen “Real Madrid” toparlarynyň arasyndaky duşuşyk “El Klasiko” diýlip atlandyrylýar. Bu iki toparyň arasyndaky duşuşyk dünýäniň ähli ýerine tomaşa edilýär.

“Real Madrid” topary 14 ýyldan soňra “Barselona” toparyna garşy uly üstünlik gazandy. “Real Madrid” topary bir möwsümiň dowamynda her iki duşuşykda hem “Barselonany” ýeňmegi başardy.

“Real Madrid” bilen “Barselona” toparlary çempionatyň 30-njy tapgyrynyň çäklerinde özara duşuşdylar. “Real Madrid” öz meýdançasynda garşydaşyny 2:1 hasabynda utdy. “Realyň” gollary Karim Benzama hem-de Toni Kross geçirdi. “Barselonanyň” goluny bolsa Oskar Mingueza öz adyna ýazdyrdy.

“Real Madrid” topary şeýlelikde bir möwsümdäki 2 duşuşykda hem ýeňiş gazandy. Möwsümiň birinji ýarymynda “Barselonany” öz meýdançasynda 3:1 hasabynda ýeňen “Real” mundan ozal 2007-2008-nji möwsümde her iki El Klasikoda ýeňiş gazanypdy.

“Barselonanyň” argentinaly hüjümisi Lionel Messi 45-nji El Klasiko duşuşykda oýnady we bu ugurda Serhio Ramos bilen deňleşdi. Messi El Klasikoda iň köp gol geçiren futbolçydygyna garamazdan, soňky 8 duşuşykda tapawutlanyp bilmedi.

“Real” topary bu ýeňşi bilen utuklarynyň sany 66-a çykardy. Birinji orundaky “Atletiko Madrid” topary bilen deňleşdi. “Barselona” toparynyň utuk sany 65-ä deňdir.

 

Aşgabatda “Türkiýede syýahatçylyk” hepdeligi

 

 

Ýene-de okaň

Türkmenistan GDA ýurtlarynyň III Oýunlaryna gatnaşýar

Türkmen türgenleri sambo boýunça Dünýä kubogynda 11 medal gazandy

25-nji sentýabrda Türkmenistanyň Naýbaşy Kubogy ugrundaky duşuşyk geçiriler

Osman Dembele “Altyn top” baýragynyň eýesi boldy

Ata Watan Eserleri

Mourinýu 25 ýyldan soňra täzeden «Benfika»-nyň baş tälimçisi boldy

AFK Çempionlar ligasy 2: «Arkadag» ilkinji tapgyry 1 utuk bilen başlady