“Tesla” hem-de “Space X” ýaly kompaniýalaryň esaslandyryjysy hem-de “Twitter” jemgyýetçilik torunyň eýesi, dünýäniň iň baý işewüri Ilon Mask “xAI” ady bilen täze kompaniýa döretdi.
Täze esaslandyrylan kompaniýanyň maksadynyň “älemiň hakyky tebigatyna düşünmek” bolandygy bellendi. Kompaniýanyň wezipe borçlaryny ýerine ýetirmek üçin “X Corp.”, “Tesla” we beýleki korporasiýalar bilen hyzmatdaşlyk etjekdigi mälim edildi.
“xAI” atly kompaniýanyň düzümine emeli aň ulgamynda ýöriteleşdirilen kompaniýalaryň 12 sany ozalky işgärleri goşuldy. Olar “DeepMind”, “OpenAI”, “Microsoft”, “Tesla” ýaly kompaniýalaryň we Toronto uniwersitetiniň işgärleridir.
Hususan-da, Toronto uniwersitetiniň dosenti Jimma Ba, Kristian Segedi köp ýyllaryň dowamynda “Google” kompaniýasynyň düzüminde emeli aň ulgamynda iş alyp barypdy.
Häzirki döwürde emeli aň ulgamy ýokary depginde ösdürilýär. Bu ugra tejribeli inženerler we alymlar çekilýär.