Basketbol boýunça dünýä çempionaty 2023-nji ýylda birbada 3 ýurtda geçiriler. 2023-nji ýylda Filippinlerde, Ýaponiýada we Indoneziýada geçiriljek basketbol boýunça dünýä çempionatynyň anyk senesi mälim edildi.
Halkara Basketbol federasiýalar bileleşiginiň (FIBA) habar bermegine görä, dünýä çempionaty 25-nji awgust-10-njy sentýabr aralygynda geçiriler.
Basketbol boýunça dünýä çempionatynyň taryhynda ilkinji gezek bu ýaryş birbada 3 döwletde geçiriler. Çempionatyň topardaky oýunlary Filippinlerde, Ýaponiýada we Indoneziýada geçiriler. Final duşuşygy bolsa Filippinleriň paýtagty Manila şäherinde bolar.