Ozal hem habar berşimiz ýaly, “Türkmennebit” döwlet konserniniň we “Dragon Oil (Türkmenistan) Ltd.” kompaniýasynyň arasynda özara düşünişmek hakynda Ähtnama gol çekildi. Bu ylalaşyk türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Birleşen Arap Emirliklerine iki günlük iş saparynyň çaklerinde gazanyldy.
Şol gol çekişlik dabarasynyň çäklerinde BAE-niň “Erm economic” ykdysady neşiri “Dragon Oil (Türkmenistan) Ltd.” kompaniýasynyň baş müdiri Ali Raşid Al Jarwan bilen söhbetdeş boldy. Şol söhbetdeşlikde kompaniýanyň baş müdiri Ali Raşid Al Jarwan kompaniýanyň nebit pudagyndaky maýa goýumlarynyň möçberi 1,5 milliard dollara çenli ýetýändigini belläp, bu taslamalaryň 3 iri döwletde – Türkmenistanda, Yrakda we Müsürde amala aşyrylýandygyny mälim etdi.
Gaýtadan dikeldilýän energiýa çeşmeleri, köp sanly taslamalar we başlangyçlar bilen özüniň strategik maksatnamalaryna ygrarly bolan BAE-niň dünýäde energiýa çeşmelerine bolan islegi kanagatlandyrmak üçin özüniň maýa goýumlaryny we däp bolan energetika pudagyndaky işlerini giňeldýär.