Kagyz görnüşindäki gazetleriň we žurnallaryň döwri kem-kemden geçmişe öwrülip barýar. 2021-nji ýylyň 1-nji ýanwaryndan Türkmenistandaky gazet-žurnallary abunaçylar elektron görnüşinde okap başlarlar. Kagyz görnüşindäki gazet-žurnallara bolsa diňe pensionerler ýazylyp bilýär. Bu barada “orient.tm” internet saýtynda bellenilip geçilýär.
Ýurdumyzyň poçta bölümlerinde gazet we žurnallar üçin 2021-nji ýylyň birinji ýarymy üçin abuna işi alnyp barylýar. 1-nji ýanwardan döwürleýin neşirler elektron görnüşinde bolar. Ýarym ýyllygyň bahasy 60 manat. Abunaçy bu pul möçberini töläp, ýurdumyzda çap edilýän ähli gazet we žurnallary okap biler. Bu toplumyň içinde 21 gazet we 8 žurnal ýerleşdirilipdir.
Adaty kagyz görnüşindäki gazet we žurnallara bolsa diňe pensionerler ýazylyp bilerler. Bu öz-özünden düşnükli. Ýaşuly nesliň wekilleriniň agramly bölegi kompýuter we sanly tehnologiýalary özleşdirmekde belli bir kynçylyklary başdan geçirýärler. Meselem, “Türkmenistan” ýa-da “Neýtralnyý Türkmenistan” gazetleriniň 6 aýynyň bahasy 18 manat. Pensionerler gazet ýa-da žurnallara ýazylmak üçin poçta bölümlerine pensiýa şahadatnamasy bilen barmalydyrlar.
Telekeçilik bilen meşgullanmak isleýän ýaşlaryň we telekeçileriň söýgüli sahypasy-Telekeçilik Sahypasy!
