SPORT

De Bruýne – Angliýanyň iň gowy futbolçysy

Angliýanyň «Mançester siti» toparynyň ýarymgoragçysy Kewin de Bruýne Angliýanyň «Premýer-ligasynyň» 2019/2020-nji möwsüminiň iň gowy futbolçysy hökmünde saýlandy.

Bu ugurda geçirilen ses berlişikde belgiýaly futbolçy De Bruýne “Bernli” toparynyň derwezebany Nika Poupadan, “Liwerpulyň” goragçysy Trent-Aleksander-Arnolddan, bu toparyň ýarymgoragçylary Jordan Henderson we Sadio Maneden, “Sautgempton” toparynyň hüjümçisi Denni Ingzdan we “Lester” toparynyň hüjümçisi Jeými Wardiden öňe saýlandy.

De Bruýne şu möwsümde 35 duşuşykda 13 gol geçirip, topardaşlarynyň 20 gol geçirmegine kömek etdi. Ol 2002/2003-nji ýylyň möwsüminde “Arsenal” toparynyň ozalky hüjümçisi Týerri Anriniň pas etmek rekordyny gaýtalady.

Mundan ozal, Angliýanyň «Premýer-ligasynyň» 2019/2020-nji möwsüminiň iň gowy tälimçisi hökmünde “Liwerpulyň” tälimçisi Ýurgen Klopp we iň gowy goragçysy hökmünde bu toparyň goragçysy Trent-Aleksander-Arnold saýlanypdy.

Möwsümiň iň gowy futbolçysy saýlanylanda janköýerleriň, 20 klubyň kapitanlarynyň we futbol hünärmenleriniň sesleri hasaba alyndy.

Ýene-de okaň

Saud Arabystany binanyň depesinde stadion gurlar

Azerbaýjan topary Gurban Berdiýew bilen şertnamany uzaltmak isleýär

«Arkadag» topary bassyr üçünji ýyl wagtyndan öň çempionlyk derejesini gazandy

“El-Klasiko”: “Real” topary “Barselonadan” üstün çykdy

Türkmenistanyň Futbol federasiýasynyň wekilleri AFC-nyň 2025-nji ýyldaky Kongresine gatnaşdylar

Lionel Messi Amerikada “Altyn aýakgap” baýragyna mynasyp boldy

Ata Watan Eserleri