UEFA-nyň Çempionlar ligasynyň ýarym finalynyň ilkinji duşuşyklary geçirildi. Germaniýanyň “Bawariýa” topary öz meýdançasynda Ispaniýanyň “Real Madrid” topary bilen 2:2 hasabynda deňme-deň oýnady.
Germaniýanyň başga bir güýçli topary “Borussiýa Dortmund” öz meýdançasynda Fransiýanyň çempiony “PSŽ” toparyny 1:0 hasabynda ýeňdi. German toparynyň ýeke-täk goluny Fýullkrug öz adyna geçirdi. Bu futbolçy 2 ýyl mundan ozal, Germaniýanyň çempionatynyň 2-nji ligasynda oýnaýardy.
“Borussiýa” geçmek bilen Çempionlar ligasynda geçiren gollary bilen köp sanly toparlaryň gyzyklanmasyna eýe boldy.
“Borussiýa Dortmund” öz meýdançasynda gazanan ýeňşi Germaniýanyň hem peýdasyna boldy. Geljek möwsümde Germaniýadan Çempionlar ligasyna 5 topar gatnaşar. Mundan ozal, Ýewropanyň öňdebaryjy ýaryşyna Germaniýadan 4 topar gatnaşýardy.
Geljek möwsümde Germaniýadan “Baýer”, “Bawariýa”, “Ştutgart”, “Leýpsig” we “Borussiýa Dortmund” Çempionlar ligasyna gatnaşmaga hukuk aldy.