Merkezi Aziýanyň Futbol assosiasiýasy (CAFA) yzly-yzyna ikinji ýyl Aziýada ýylyň iň gowy sebit assosiasiýasy diýlip ykrar edildi. Bu barada Aziýanyň Futbol konfederasiýasynyň resmi saýty habar berýär. AFK-nyň her ýyl geçirilýän gala dabarasy 29-njy oktýabrda Seulda (Koreýa Respublikasy) geçirildi.
2015-nji ýylda esaslandyrylan CAFA AFK-nyň iň ýaş sebit assosiasiýasy bolup, gysga wagtda uly ykrar gazandy.
Merkezi Aziýa Futbol assosiasiýasynyň (CAFA) düzümine Türkmenistanyň, Owganystanyň, Eýranyň, Gyrgyzystanyň, Täjigistanyň we Özbegistanyň futbol federasiýalarynyň girýändigini bellemek gerek. CAFA-nyň ştab-kwartirasy Täjigistanyň paýtagty Duşanbe şäherinde ýerleşýär.