Gimalaý daglary Ýer ýüzünde ýer titremeleriniň iň kän bolup geçýän ýerleriň biri. Şonuň üçin dagy ýassanyp oturan Butanyň paýtagty Timpuda döwlet edaralaryndan başlap, futbol stadionyna, ýangyç guýujy beketlere we beýleki binalara çenli daşdan ýa-da doýgun toprakdan gurlan.
Şu günler Butan-ýapon halkara hyzmatdaşlyk agentligi (JICA) Butanda ýer titremelerine çydamlylyk barlagyny geçirýär. Barlag üçin ýörite binalar gurlup, olar emeli ýer titremelerde synagdan geçirilýär. Barlagdan soňra çat açan desgalary berkitmek isşleri gaýtadan geçirilýär. Munuň üçin ýer titremesine çydamly hasaplanylýan gurluöyk serişdeleri doly ulanylýar. Hatda agentlik tarapyndan gurluşykçylara ýörite okuw geçilip, geljekde bolup biljek heläkçilikli ýagdaýlaryň öňüni almak çäreleri geçirilýär.
Ýer titremesine çydamlylyk tehnologiýasy Ýaponiýanyň Milli toprak bilimleri we heläkçilikli ýagdaýlaryň öňüni almak boýunça gözleg instituty tarapyndan döredildi. Tehnologiýa Ýaponiýanyň özünde eýýäm giňden peýdalanylýar. Ýurduň ýüzlerçe nokadynda ýer titremeleriniň we sunamileriň haçan boljakdygyny öňünden kesgitläp bilýän sensor enjamlar oturdyldy. Olar diňe bir golaýlaşyp gelýän heläkçiligi habar bermän, eýsem, ýer titreme ýa-da sunami döwründe ýeriň deňagramlylygyny saklamaga hem-de heläkçiligiň öňüni almaga ýardam berýär.