Ýaponiýada ýer titremesini öwrenmek üçin geçirilen ylmy-buraw gözleg işleriniň netijesinde ummanda çuňlugyň rekordy goýuldy. Ýaponiýanyň umman kenarlarynda işleýän gözlegçiler deňiz düýbündäki çökündileri barlamak üçin 8 kilometrden gowrak çuňluga baryp ýetidiler. Mundan ozal, baryp 1978-nji ýylda geçirilen gözleg işlerinde 7 kilometr çuňluga ýetilipdi
Deňziň düýbündäki geçirilen barlag işleri üçin degişli enjamlary 8 kilometr çuňluga ýetirmek üçin 2 sagat 40 minut gerek boldy.
“Kaimei” ylmy-barlag gämisi arkaly geçirilen buraw işleri sebitdäki uly ýer titremeleriň taryhyny öwrenmek taslamasynyň çäginde amala aşyrylýar.
Ylmy-barlag işleriniň geçirilýän ýerleri 2011-nji ýylda Ýaponiýada bolup geçen 9.1 ululygyndaky ýer titremesiniň merkezine golaýdygy mälim edildi.
Innsbruk uniwersitetiniň alymy Prof. Maýkl Strasser bu taslama bilen baglanyşykly ummanyň düýbünden alnan çökündileriň ozal bolup geçen ýer titremeleriniň taryhy barada jikme-jik maglumat almaga mümkinçilik berjekdigini aýtdy.
Mundan ozal, 1978-nji ýylda “RV Glomar Challenger” tarapyndan Ýuwaş ummanyndaky Mariana çöketliginde geçirilen ylmy-barlaglarda 7 kilometrlik çuňluga ýetilipdi.
Aşgabadyň we onuň dostlukly-doganlykly şäherleriniň häkimleriniň halkara mejlisi geçirildi