Türkmenistanyň Daşary işler ministrliginiň binasynda Türkmenistanyň ministrlikleriniň we pudak edaralarynyň ýolbaşçylarynyň orunbasarlary bilen BMG-niň we onuň düzümleriniň tehniki wekiliýetiniň agzalary bilen duşuşyk geçirildi. Bu wekiliýet Ahal welaýatynyň täze edara ediş merkeziniň Arkadag şäherine baryp görmegi we bu ýerdäki işler bilen tanyşmagy hem-de oňa baha bermegi meýilleşdirýär.
Türkmenistanyň daşary işler ministriniň orunbasary Mähri Bäşimowa Arkadag şäherine baryp görmek we baha bermek üçin berlen teklibi kabul edp gelen BMG-niň myhmanlara özüniň minnetdarlygyny bildirdi.
Saparyň netijeli bolandygyny we tehniki wekiliýetiň agzalarynyň şäheri dolandyrmagyň ýeke-täk ekoulgamyny döretmek bilen ösen maglumat we aragatnaşyk tehnologiýalarynyň integrasiýasyna esaslanýan “akylly şäher” düşünjesi esasynda döredilen şäher bilen tanyşmagy mümkinçilik alnandygy mälim edildi.
BMG-niň tehniki wekiliýetiniň agzalary eden çykyşlarynda Arkadag şäherine ýokar baha berdiler we häzirki zaman şäherde gurlan desgalaryň, ýagny daşky gurşawyň arassalygy, howpsuzlygy we tehnologiki taýdan öňdebaryjy ülňülere we häzirki hakykatlara laýyk gelýändigini bellediler.
Duşuşygyň jemleri boýunça taraplar tehniki wekiliýetiň sapary wagty berlen teklipleri ýerine ýetirmek üçin ýol kartasynynyň elementlerini hödürlemek boýunça ylalaşdylar.