484 ýaşyndaky kaştan agajy Beýik Britaniýada “ýylyň agajy” saýlandy. Bu agaç köp ýyllardan bäri Uelsiň Rekshem şäherindäki seýilgähde ösüp otyr.
Ägirt uly agaç şäheriň çydamlylygynyň nyşany bolup, onlarça güýçli apu-tupanlary üstünden geçirdi. Şeýle hem ol Beýik Watançylyk urşundan soňra ýerli ýaşaýjylaryň seýilgähdaki agaçlary odun ýerine kesen döwründäki kynçylyklary başdan geçirdi.
Kaştan agajynyň beýikligi 24 metr, onuň diametri bolsa 6 metre deňdir. Mundan beýläk, bu agaç “2024-nji ýylyň Ýewropa agajy” bäsleşiginde Beýik Britaniýa wekilçilik eder.
Rekshem şäheriniň özi hem taryhy şäherleriň biridir. Ol hem IV asyrda döredilip, Beýik Britaniýanyň uzak ýyllaryň dowamynda kömür gazaylyp alynýan hem-de metal önümçiliginiň merkezi boldy.
Beýik Britaniýada agaçlaryň bäsleşigi haýyr-sahawat edarasy tarapyndan guralyp, Birleşen Patyşalykda tokaýlary goramak maksady bilen geçirilýär.