Belarus Respublikasynyň “Belawia” awiakompaniýasy Türkmenistan ugry boýunça uçar gatnawlaryny amala aşyrmaga başlaýar. “Belawia” awiakompaniýasynyň web saýtyndaky maglumata görä, ilkinji adaty uçuş 25-nji oktýabrda, ýagny şugün amala aşyrylar.
Ilkinji adaty uçar gatnawy ýerli wagt bilen 22:40-da Minskden Türkmenbaşy şäherine tarap uçar. Yzyna bolsa, 26-nji Oktýabrda ýerli wagt bilen irden sagat 05:45-de Türkmenbaşy şäherinden Minske tarap uçar.
Belawia” awiakompaniýasy Noýabr aýynyň birinden başlap her iki hepdede 1 gezek, hepdäniň sişenbe güni amala aşyrylar. Uçar Minskden sagat 22:40-da uçar we Türkmenbaşy şäherine 4:45-de gonar, Türkmenbaşydan Minske bolsa, 5:45-de uçar we 8:05-de gonar. Biletiň bahasy bir tarapa iň az 299 Euro-dan başlaýan bahadan bolar. Iki taraplaýyn baha bolsa 599 Eurodan başlar.(Smart tariff brand )
Häzirki döwürde “Türkmenistan” awiakompaniýasy, Dubaý, Kazan, Moskwa, Frankfurt, Stambul we Minsk ugryna adaty uçar gatnawlaryna dowam edýär. Şu ýylyň 17-nji oktýabryndan “S7” awiakompaniýasy Moskwa-Türkmenbaşy-Moskwa ugry boýunça adaty tertipde gatnawlary amala aşyryp başlady. Türkiýäniň “Türk howa ýollary” awiakompaniýasy hem 2022-nji ýylyň 2-nji noýabryndan başlap Stambul-Türkmenbaşy-Stambul ugry boýunça adaty gatnawlaryna başlaýar.