Ispaniýanyň “Barselona” topary ozalkysy ýaly, güýçli toparlaryň birine gaýdyp gelmek üçin düzümini güýçlendirýär. Hawiniň tälimçiliginde täzeden güýç jemleýän bu topar “Sewilýa” toparynyň fransiýaly goragçysy Žýul Kundeni satyn aldy.
23 ýaşyndaky futbolçy bilen ylalaşyk gazanyldy. Futbolçy lukmançylyk barlagyndan geçenden soňra şertnama baglaşar.
Fransiýanyň milli ýygyndysynyň hem futbolçysy bolan Kundeni satyn almak üçin 50 million ýewro, şeýle hem goşmaça 5 million ýewro tölener.
Zýul Kunde bolsa ýyllyk 6 million ýewro gazanar we onuň bilen 5 möwsümlik şertnama baglaşylar.